Då hadde vektarane bestemt seg for å komplisere reisevegen til bryllupsgjestane våre, men me kan melde om at det fortsatt er håp.
Kontakta Widerøe idag og dei seier dette:
Dei ikkje veit noko meir enn frå dag til dag og at det plutsleg kan snu, streiken blir avblåst og flya gjeng som normalt att. Dei har ansvaret for å frakte flypassasjerane til destinasjonen på alternative måtar, enten med fly (f.x til Vigra utanfor Ålesund og deretter med flybuss mot Volda) eller med buss osv. Dette skal ikkje ramme passajeren økonomisk og dei har ansvar for å frakte passasjerane heilt fram.
Men ikkje stol på at flyselskapet tek kontakt, prøv å ta kontakt sjølv og høyr kva dei seier om flyavgangen din.
Det vil uansett ikkje vera så mykje poeng i å kontakte dei før det nærmar seg, så då spørs det kor mykje is du har i magen før du evt ordnar deg med alternative reisemåtar. Billettar vil i utgangspunktet ikkje bli refundert før dei ser at du faktisk blir offer for streiken. Då kan det alt vera for seint for nokon av dykk (f.x dei som reiser laurdag), men dei sa at dei ville sjå an den enkelte passasjer sin situasjon, så det er bare å mase og ha gode argument for at du skal få viljen din :)
Er flyplassen du skal reise ifrå stengd, blir det litt meir komplisert, men kontakt flyselskapet. Reiser du med anna flyselskap enn Widerøe, må du ta kontakt med dette flyselskapet for informasjon.
Håpar det ordnar seg for deg som har planlagt å ta fly og at du kjem deg til Volda i tide. Me vil jo ikkje savne nokon av dykk i festen vår :)
Lykke til!
